شعر العامية المصرية ومبادرة كل يوم شاعر تقدم الشعراء المتميزين والذين اصبح لهم صوتهم الخاص في مجال شعر العامية وتحفل قصائدهم بالصور الشعرية الرائعة وكذلك مفردات قصائدهم السلسة والمشوقة للقارئ من هؤلاء الشاعر محمود صابر.
القصيدة: من شعر العامية المصرية
احكيلك ايه ؟
ازاي عبيت الليل ف كلام ؟
وازاي عباني العمر زحام ؟
وازاي ايام تنزف ايام
من غير ما جراح الحلم تلم ؟
وازاي مبقتش بخاف م الدم ؟
وازاي ونست الهم بكاس
انا لسه بلم بواقي الناس
افكار ودموع وحكاوي وضل
وبخاف اول ما بلاقي الحل
ليكون مدخل لسؤال اكبر
الدنيا بتصغر قدامي
مع اني اناني ومش بكبر
فاحكيلك ليه ؟
لو كان ف كلام الخلق حلول
منا كنت حقول
او كنت حشب لعلي اطول
ولعلي انول م النجمة شعاع
وافرد على كتف الحلم شراع
واسافر ارض تحب الضيف
خليني خفيف
ساكت وغريب
لما افتح قلبي بدون ترتيب
ينزف غايبين ملهمش بيوت
وكلام بهتان معجون بالموت
او يبقى سكوت مليان تفاصيل
عن وحدة روحي ف جوف الليل
والشرب ف ذكرى كاسات فاتت
ححكيلك ليه / الناس ماتت
ومفيش غير ضلي ع الاسفلت
هو اللي فاهمني ف وقت الصمت
ومطمن قلبي بأني حكون
………….
ونقدم لكم في هذا الروابط بعض قصائد شعر العامية المصرية التي نشرناها في صحيفة”احداث العرب”
اقرأ المزيد:
-
- قصيدة بالعامية المصرية.. اسأل عنيها.. للشاعر: محمد الصياد
- الطير.. قصيدة بالعامية للشاعرة: نورا عايد
- من بره.. قصيدة بالعامية المصرية.. للشاعر: مينا ليش
- الدنيا ابسط من كده.. قصيدة بالعامية المصرية للشاعر محمود حامد
- الحزن الجاي.. قصيدة بالعامية المصرية للشاعر: سمير فرج
- اصلي ازاي.. قصيدة بالعامية المصرية.. للشاعر: مصطفي يوسف
- قلب مش لايق علي البرواز.. قصيدة بالعامية المصرية.. شعر: رضا عبد النبي
- صوت المصلحة.. قصيدة بالعامية المصرية للشاعر: حلمي قاسم
ظهرت المقالة احكيلك ايه.. من شعر العامية المصرية للشاعر: محمود صابر أولاً على أحداث العرب.
