نفدم لقراء احداث العرب اليوم شاعرة من الشاعرات التي تحافظ على ان تكون قصيدتها غنية بالمفردات التي تميزها عن غيرها، وكذلك تحفل قصائدها بالصورة الشعرية العميقة، كما ان لغتها سلسلة وناضجة، وكلها سمات القصيدة العامية الجديدة، فنقدم لكم نص للشاعرة “مروة فرحات ” يحفل بكل ما ذكرناه عنها وعن اشعارها المتميزة.
القصيدة:
ما تشدنيش يادي القمر من كم روحي
ولا تندلقش علي القلل لو فوق سطوحي
انا اصلي بنت محندقة وكيف بندقة
مش حمل حواديتك ولا دمعاتي وجروحي
ما تشدنيش لشارعك المرصوف حنين
ولا تقوليش بعد الفراق بقيتي مين
انا السنين البايتة فيا ف يوم شتا
وانت احتياج الشط للموج كل حين
انا قولتلك خليني انا وسيبني هنا
وبلاش تبيت فيا بالالفين سنة
انا قلبي والمصحف ما يتحمل كدا
فسيبني حتي لو هتسيب قلبي حزين
الحزن اخف كتير اوي من مر قربك
واكيد هعيش ولو هموت هرتاح ف بعدك
بعدك هعيش لا انا عايشة ولاانا ميتة
احسن ما اعيش بالقلب والروح مدبوحين
……………..
هضفر شعري بسحابك
واكحل رمشي بيك بالليل
وابروز ضحكتك شمسي
وادفي بنورها ضفة نيل
ولو هتميل يا روح قلبي
راح اروي الورد من صوتك
وادَوّق ضلي من توتك
دا لو مرة الهوي يفوتك
هلبس قلبي لبس خفيف
وانادي عليك يهل الصيف
دا انا ف بعدك بعيش لي خريف
وناسي هوايا انفاسي
وبشرب مري من كاسي
هتندهني وهقول ماشي
وانا عارفة ان قلبي ضعيف
…………….
#مروةفرحات
اقرأ المزيد:
-
- قصيدة بالعامية المصرية.. اسأل عنيها.. للشاعر: محمد الصياد
- الطير.. قصيدة بالعامية للشاعرة: نورا عايد
- من بره.. قصيدة بالعامية المصرية.. للشاعر: مينا ليش
- الدنيا ابسط من كده.. قصيدة بالعامية المصرية للشاعر محمود حامد
- الحزن الجاي.. قصيدة بالعامية المصرية للشاعر: سمير فرج
- اصلي ازاي.. قصيدة بالعامية المصرية.. للشاعر: مصطفي يوسف
- قلب مش لايق علي البرواز.. قصيدة بالعامية المصرية.. شعر: رضا عبد النبي
- صوت المصلحة.. قصيدة بالعامية المصرية للشاعر: حلمي قاسم
ظهرت المقالة ما تشدنيش يادي القمر.. قصيدة بالعامية المصرية.. للشاعرة: مروة فرحات أولاً على أحداث العرب.
