مفتتح ..
الليل بينده ع القمر ويقول
شباك اوضتها م الدموع مبلول
ايه اللي اصعب من طريق طَوِّل
غير الطريق اللي مفهش وصول
……….
“مش قصة حب”
…..
البنت نزلت م السما باصة
عـ اللي بيكتب شِعر فـ الحصة
لا هامه فتح الأندلس
ولا سرعة الجسم فـ مكانه
كان فاده إيه حلو المناخ
والبال معكر
البنت نزلت باصة مش أكتر
خد من عنيها البن والسكر
ونظرة استغراب
تاني انفراد بيضيع
والكورة توصلها
فـ حصة الألعاب
البنت غابت مرة مش أكتر
قال النهارده الكون غياب
دقوا الجرس
البنت طلت بس تستفسر
مين اللي مدي الورد الأحمر للحرس
قلبه بعرض البوابات
وعقله متراسها
البنت كانت خايفة مش أكتر
عـ اللي بمعنى الحب حسسها
رمت الورود ف اليأس
وريحتها ف دولاب الأماني
و فـ قلبها صوته
البنت ابوها وسمعته
كات واصلة لبلوتو
كان جاب منين جرأة
يطير لفوق ما يخاف
فرق السما والأرض
البنت نزلت باصة مش أكتر
عارفة النهاية قبل ما يفكر
على انهي صفحة هيتكتب وصفها
ويكمل القصة
علشان كدا
البنت رجعت للسما
ف نهاية الحصة
…………….
اقرأ المزيد:
-
- قصيدة بالعامية المصرية.. اسأل عنيها.. للشاعر: محمد الصياد
- الطير.. قصيدة بالعامية للشاعرة: نورا عايد
- من بره.. قصيدة بالعامية المصرية.. للشاعر: مينا ليش
- الدنيا ابسط من كده.. قصيدة بالعامية المصرية للشاعر محمود حامد
- الحزن الجاي.. قصيدة بالعامية المصرية للشاعر: سمير فرج
- اصلي ازاي.. قصيدة بالعامية المصرية.. للشاعر: مصطفي يوسف
- قلب مش لايق علي البرواز.. قصيدة بالعامية المصرية.. شعر: رضا عبد النبي
- صوت المصلحة.. قصيدة بالعامية المصرية للشاعر: حلمي قاسم
- بنوتة.. قصيدة بالعامية المصرية.. للشاعر: منصور رجب
ظهرت المقالة مش قصة حب.. شعر بالعامية المصرية للشاعر: احمد الشمسي أولاً على أحداث العرب.
